சிவப்பு விளக்குப் பகுதி!

நெருப்பின்
ஊழி நடனமிட்டெரியும்
நெத்தி நரம்புகள்

அழகிய இரவு - தெருவின்
சிவப்பு விளக்குப் பகுதி
சிறு பொழுது தாமதிக்கும்
என் வாகனம்

இருக்கைச் சாளரத்தினூடு
கை நீட்டிக் குளிர் விரலால்
நெற்றி வருடித் தலைகோதும்
மெல்லிளம் காற்று

குளிர் என்று சொல்லி
யன்னல்சாத்த மனம் இல்லை
என் முகம் வருடித் தலைகோத
இக்காற்றும் இல்லை என்றால்……..?

இப்போ பச்சை விளக்கு
பின்னால் உறுமும் வாகனங்கள்
தவிர்க்கமுடியா நகர்வுக்காய்
அழுத்தும் என் கால்கள்.
(2004)